Jy (vir my vrou)

jy

berug in die donker hoeke van my siel

jy

wat sonskyn skilder waar die nag woon

jy

krul bruin hare en blou spinnerak oë

en jy

wat vrede in my hart indwing



jy

soos goeie boeke en 'n warm mat op die vloer

jy

'n kaggel en rooiwyn in die winter

jy

laat slaap as dit reën op 'n Sondag

en jy

wat sonder musiek in die sitkamer dans



jy

wat kan toor met woorde in 'n argument

jy

net so hardkoppig soos jou ma,

maar jy

wat enige liewe ding vir my sal doen

en jy

vir jou is ek inniglik dankbaar


© Niel De Waal Meiring